O‘zbekiston avtomobil bozorida import: yangi tendensiyalar

So‘nggi yillarda O‘zbekiston avtomobil bozorida sezilarli o‘zgarishlar kuzatilmoqda. Avvallari ichki ishlab chiqarish – asosan, UzAuto Motors mahsulotlari – asosiy ulushni egallab kelgan bo‘lsa, endilikda import avtomobillarga ham talab oshgan.

2024–2025-yillarda Xitoy brendlari — BYD, Chery, Haval, Geely — tez sur’atlarda bozorga kirib kelmoqda. Ularning afzalligi:

• elektromobil va gibrid variantlarning ko‘pligi,

• zamonaviy dizayn va texnologiyalar,

• xarajat bo‘yicha nisbatan qulaylik.

 Mahalliy ishlab chiqaruvchi UzAuto Motors ham bozorni boy berib qo‘ymaslik uchun yangi modellarga urg‘u bermoqda. Kompaniya asosan krossover segmentiga kirib kelishni reja qilgan.

“Raqobat ichki bozorda ham, eksport yo‘nalishida ham kuchaymoqda. Qozog‘iston, Ozarboyjon kabi mamlakatlarda BYD, Kia, Hyundai, Haval singari kompaniyalar bilan bellashishga tayyor bo‘lishimiz kerak. Bu biz uchun katta chaqiriqdir”, — deydi, kompaniya bosh direktori Yanosh Kovach jurnalist Sherzodxon Qudratxo‘jaga bergan intervyusida.