“Abozor nomidan kelsang, arzon qilib beraman” – Sirdaryo mashina bozoriga qisqa safar

Sirdaryo viloyatida oxirgi yillarda avtosavdo sezilarli jonlandi. Ayniqsa, bir yil avval qurib bitkazilgan yangi Sirdaryo mashina bozori atrofdagi haydovchilar uchun haqiqiy markazga aylangan. Bozor zamonaviy, tartibli va ochiq maydonlari keng. Eng qizig‘i, u haftada atigi ikki kun ishlaydi — shunga qaramay, gavjumlik, savdolashuv va atmosferasi yetarli darajada “klassik bozorona”.

Shu jihatini o’rganish uchun Abozor xodimlari ham Sirdaryo mashina bozoriga kirib bordi. Bozor avjida, narxlar turli-tuman, odamlarning yuzida samimiylik ko’rinib turibdi. Faol dilerimizni ham uchratdik. U sovuqda turgandan ko’ra, Abozorda sotish qulay ekanligini, Abozor ochilgandan beri ishlari ancha yengillashganini ta’kidladi va o’sha yerdagi bir nechta sotuvchilar ham qiziqayotganini aytib o’tdi.

Eshitishimizcha, Sirdaryoda narxlar – Toshkentga nisbatan biroz arzonroq, ayniqsa Cobaltlarning narxi pasaya boshlagan. Bu aniq ma’lumot emas, shunchaki taxmin.

Bozorda oddiy mashinasini sotayotganlardan ko’ra, dilerlar ko’p va hatto avtoblogerni ham uchratdik. Tanishuvlar, muhokamalar, xushchaqchaq odamlar bozorni qizityapti. U yerdagi eng yoqimli jumla: “Abozordan ko’rib keldik deyishsa, arzon qilib beramiz” – deganlar bo’ldi. Ishonmasangiz, siz ham bemalol You tube kanalimizga o'tib, safar videosidan bahramand bo'lishingiz mumkin.

Abozor — avtomobilni ko‘rish, baholash, savdolashish va sotib yuborish jarayonini onlaynga ko‘chirgan platforma. Bir nechta surat, diagnostika ma’lumotlari, baho, takliflar — hammasi bir joyda. “Bozorga borib, vaqt yo‘qotmayman” deganlar uchun ayni muddao.

Dilerlar uchun ham qulay: mashinani o‘z joyidan siljitmasdan turib, suratlarini yuklaydi, tavsifni kiritadi, qolganini tizim o‘zi hal qiladi. Qaysi xaridor qiziqdi, qaysi taklif keldi — hammasi aniq, shaffof va “aka, qaror qildingizmi?” degan telefonlardan holi.